Општина Кисела Вода
| Општина Кисела Вода | |||
|---|---|---|---|
| Општина | |||
 | |||
| |||
 | |||
| Држава | Македонија | ||
| Седиште | Град Скопје | ||
| Населени места | Список
| ||
| Управа | |||
| • Градоначалник | Орце Ѓоргиевски | ||
| Површина | |||
| • Вкупна | 46,86 км2 (18,09 ми2) | ||
| Население (2021)[1] | |||
| • Вкупно | 61.965 | ||
| • Густина | 1,300/км2 (3,400/ми2) | ||
| Часовен појас | CET (UTC+01:00) | ||
| • Лете (ЛСВ) | CEST (UTC+02:00) | ||
| Повикувачки број | +02 | ||
| Регистарски таблички | SK | ||
| Мреж. место | kiselavoda.gov.mk | ||
.svg)
Општина Кисела Вода — општина во градот Скопје. Зафаќа површина од 46,86 км2 и се простира во југоисточниот дел на Скопската Котлина. Таа се граничи со општина Центар како и со ноформираните општини Аеродром, Студеничани и Сопиште. Според податоците од последниот попис на територијата на Општина Кисела Вода во 2002 година, има вкупно население од 58.216 жители од кои 91,2% се Македонци. На територијата на општината функционираат 13 месни заедници. Центар на неговата општина е истоимената населба. Општината се намалила во Законот за територијална поделба од 2004 година на 12 април 2005 година по оформувањето на Општина Аеродром кога за првпат била одржана седница на советот на оваа општина.
Во рамките на општината егзистираат повеќе спортски клубови кои успешно се натпреваруваат во сите македонски лиги. Во границите на Општина Кисела Вода постојат повеќе цркви и манастири кои се главно туристичко одредиште во овој регион.
Географија[edit | edit source]
Границата на Општината Кисела Вода започнува од надвозникот на железничката пруга и улицата “Трета македонска ударна бигада” (тромеѓе на општините Кисела Вода, Аеродром и Центар) и се движи по трасата на старата железничка пруга до надвозникот на булеварот „Кочо Рацин“, се движи по улицата „Јордан Мијалков“, улицата „Црниче“ и улицата „346“ и излегува над институтот за земјотресно инженерство и инженерска сеизмологија ИЗИИС, односно на тромеѓето на општините Центар, Карпош и Кисела Вода, продолжува по гранизата на парк шумата “Водно” до наоѓалиштето “Теферич”, продолжува по катастарската граница КО Сопиште и КО Драчево до железничката станица Драчево, свртува на северозапад по железничката пруга Скопје-Велес, како граница со општина Аеродром до надвозникот на улицата “Трета македонска ударна бигада” (тромеѓе на општините Кисела Вода, Аеродром и Центар).
Историја[edit | edit source]
Во 1955 година, Општина Кисела Вода го опфаќала подрачјето на десната страна по средината на реката Вардар, почнувајќи од границите на Општина Идадија па се до тогашниот крај на Скопје во правец кон Драчево, вклучувајќи ги во Општината и населените места Горно Лисиче и Усје. Седиштето на Народниот одбор на Општината било во Кисела Вода, Скопје.[2]
Стопанство[edit | edit source]
Општина Кисела Вода е една од најголемите индустриски зони во градот Скопје со значителен континуиран подем во последните 5 години. Бруто-домашниот производ по жител изнесува 11.964 (според попис од 2002 г.). Примарната економија која генерално е составена од земјоделство зафаќа површина од 27,34 км2 и неметали со површина од 6,73 км. Секундарната и терцијалната економија на територијата на општина Кисела Вода претставуваат потенцијал за одржлив економски развој на општината. Бројот на економски субјекти според стопанските гранки кои делуваат на територија на општина Кисела Вода се: 1.910 вклучени во производство; 908 во градежништво; 490 во хотели и ресторани; 1.492 економски субјекти вклучени во транспорт; 24 во финансии; 1.092 во недвижности; 26 вклучени во јавната администрација и 868 во комуникации. Најважни стопански гранки во општината се хемиската индустрија, транспортот и шпедицијата, градежништвото, прехранбената индустрија и производството на безалкохолни пијалаци, трговската и услужната дејност
Демографија[edit | edit source]
Според последниот попис на населението на Македонија од 2002 година, општината има 57.236 жители, од кои 50.702 се Македонци.[3]
| Народ | Вкупно | Удел (%) |
|---|---|---|
| Македонци | 52.478 | 91,69 |
| Албанци | 250 | 0,44 |
| Турци | 460 | 0,80 |
| Роми | 716 | 1,25 |
| Власи | 647 | 1,13 |
| Срби | 1.426 | 2,49 |
| Бошњаци | 425 | 0,74 |
| останати | 834 | 1,46 |
Општина Кисела Вода се простира во јужниот и југоисточниот дел на Скопската Котлина. Источната граница на општината е до централното градско подрачје на општината Центар. Северната граница се простира по железничката линија Скопје - Велес со кој патен правец општината граничи со новофорнираната општина Аеродром. На источната и југоисточната страна граничи со општината Студеничани, а на јужната страна со планината Водно каде се простира граничната линија со општината Сопиште. Кисела Вода има правец на простирање исток - запад во должина од 14,2 км и правец север - југ во должина од 3,3 км. Во рамките на ваквите гранични линии со соседните општини, општината Кисела Вода има површина од 46,86 км2.
Во општината во непосредното градско подрачје се наоѓаат населбите Чешма и Бирарија, на ниските делови од северната страна на планината Водно се наоѓаат населбите Црниче и Пржино и во источниот дел населбите Припор и Усје. Во централниот дел од општината се наоѓаат населбите: 11 Октомври, Кисела Вода и Цветан Димов. На источниот дел од општината се наоѓаат населбите: Пинтија и Драчево.
- Вкупна површина на општина Кисела Вода 46,86 км2
- Вкупно население 58.216
- Стапка на природен прираст 4,2%
- Вкупен број на домаќинства 17.577
- Вкупен број на станови 20.237
- Број на населени места (населби) 14
- Урбани населени места (населби) 8
- Рурални населени места (населби) 6
Според пописот 2002 година
Општествени установи[edit | edit source]
Градоачалник на Општина Кисела Вода е Орце Ѓорѓиевски. Негов претходник беше Филип Темелковски.
Подрачни единици на органи на државна управа:
-Министерство за одбрана п.е. Кисела Вода;
-Министерство за земјоделство, шумарство и водостопанство п.е Кисела Вода;
-Министерство за труд и социјална политика п.е. Кисела Вода;
-Меѓуопштински центар за социјална работа п.е. Кисела Вода;
-Министерсво за здравство п.е. Кисела Вода;
-Министерство за образование п.е. Кисела Вода;
-Министерство за финансии и имотно-правни односи п.е. Кисела Вода;
-Министерство за правда
-Дирекција за заштита и спасување.
Самоуправа и политика[edit | edit source]
Во 2017 година, општината имала вкупно 778 вработени, од кои 127 биле вработени во општинската администрација, а останатите во општинските јавни претпријатија.[4] Градоначалник на општина Кисела Вода е Филип Темелковски од редовите на СДСМ. Тој бил избран на локалните избори од 2017 година за мандат од четири години.[5] Советот на општина Кисела Вода е составен од 23 члена. Според последните локални избори од 2017 година, членовите на советот според политичката припадност за мандатот 2017-2021 се:
Културни и природни знаменитости[edit | edit source]
Редовни настани[edit | edit source]
Бидејќи Кисела Вода е претежно општина со македонско православно христијанско население, во неа редовно се организира палење на Бадниковиот оган, кога на територијата на општината се палат повеќе од 12.000 огништа на различни места. Овој настан често е придружен со настап на многу изведувачи од македонската естрада. Исто така, традиционален настан е одењето во Крушево и Пелинце, кога граѓаните на Кисела вода имаат бесплатно еднодневно патување на сметка на општината.
Збратимени општини[edit | edit source]
Личности[edit | edit source]
- Игор Костески, Македонски Бранител, припадник на БСН Волци, еден од загинатите во масакрот кај Вејце во 2001 година
Култура и спорт[edit | edit source]
Иселеништво[edit | edit source]
Наводи[edit | edit source]
- ↑ „Попис на населението, домаќинствата и становите во Република Северна Македонија, 2021 - прв сет на податоци“. Државен завод за статистика на Македонија. Посетено на 30 март 2022.
- ↑ „Закон за подрачјата на околиите и општините во Народна Република Македонија“ (PDF). Службен весник на Народна Република Македонија. 29 јуни 1955. стр. 237. Архивирано (PDF) од изворникот 2016-03-05. Посетено на 14 април 2023.
- ↑ „Попис на Македонија“ (PDF). Завод за статистика на Македонија. 2002. Архивирано од изворникот на 2012-03-24. Посетено на 10 мај 2013.CS1-одржување: бот: непознат статус на изворната URL (link)
- ↑ „Мора ли Шилегов да прима 101 нов работник, кога на располагање има 7.620?“, Скопско Ехо, бр. 75, 7.6.2018, стр. 4-5.
- ↑ „Заклучок за конечност на резултати од гласањето во вториот круг на Локалните избори 2017“. Државна изборна комисија на Македонија. Посетено на 3 December 2017.
- ↑ „Кисела Вода се збратими со Бахчелиевлер од Истанбул“. Курир. 4 April 2012. Архивирано од изворникот на 2012-08-03. Посетено на 4 April 2012.
Надворешни врски[edit | edit source]
- Општина Кисела Вода во „АБВ - деловен именик“ Архивирано на 6 март 2016 г.
- Портал на Општина Кисела Вода
| ||||||||||||
